خولی وەرزشی یاری فوتساڵی زانکۆی چەرموو بەسەرکەوتوویی کۆتایی هات

posted Feb 6, 2017, 4:59 AM by Directorate of Media   [ updated Feb 7, 2017, 2:17 AM ]

لە مەراسیمێکدا بە ئامادەبونی نوێنەری سەرۆکی زانکۆی چەرموو و یاریدەدەرانی سەرۆکی زانکۆ و راگری کۆلیژەکانی زانکۆ و ژمارەیەک لە مامۆستایان خەڵاتی تیپە سەرکەوتوەکانی خولی وەرزشی یاری فوتساڵی زانکۆی چەرموو دابەشکرا .

خولە کە ماوەی (30)سی رۆژە بەردەوامی هەیە بۆ (16)شازدە تپی کوڵیژ و بەشەکان کرابوەوە ئەمرۆ بەرواری 6-2-2017 خەلات بەسەر تیپە سەرکەوتوەکان دابەش کرا .

لە لایەن دکتۆر بارام احمد یاریدەدەری سەرۆکی زانکۆوە جامی پاڵەوانێتیەکە پێشکەش بەهەردوو تیپی پەروەردەی بنەرەت و بەشی نەوت و گاز کرا .

هەروەها لەلایەن مامۆستا ئازاد رەشید راگری پەیمانگەی پەروەردەی وەرزشی چەمچەماڵەوە خەڵات بەسەر سەرکەوتووانی خولی مامۆستایان و  فەرمانبەراندا دابەش کرا .

مەدالیای ئاڵتونی لە خولی مامۆستایان و  فەرمانبەران  پێشکەش بەتیپی کوڵیژی پەروەردەی بنەرەت کرا وەک یەکەمی خولەکە.

 مەدالیای زیوی لە خولی مامۆستایان و  فەرمانبەران  پێشکەش بەتیپی کوڵیژی کارگێری  گشتی  کرا وەک دووەمی  خولەکە.

مەدالیای برۆنز لە خولی مامۆستایان و  فەرمانبەران  پێشکەش بەتیپی سەرۆکایەتی زانکۆ  کرا وەک سێیەم  خولەکە .

دواتر لەلایەن دکتۆر ئومێد محمد سەرۆکی بەشی زانستەوە خەڵات بەسەر سەرکەوتوانی پاڵەوانێتی زانکۆی چەرموو دابەش کرا .

مەدالیای ئاڵتونی لە پاڵەوانێتی زانکۆی چەرموو   پێشکەش بەتیپی( نەوت و گاز ) کرا وەک یەکەمی پاڵەوانێتیەکە .

مەدالیای زیوی لە پاڵەوانێتی زانکۆی چەرمووپێشکەش بەتیپی( زانستەکان  ) کرا وەک دووەمی  پاڵەوانێتیەکە .

مەدالیای برۆنز لە پاڵەوانێتی زانکۆی چەرموو   پێشکەش بەتیپی (کوردی  ) کرا وەک سێیەمی  پاڵەوانێتیەکە .

 

 








Comments