زانکۆکانى ئوردون جەخت لە سەر بەهێزکردنى پەیوەندییەکانیان لەگەڵ هەرێمى کوردستان دەکەنەوە

posted Oct 31, 2016, 4:09 AM by Directorate of Media

وەفدێکى زانکۆ حکومى و تایبەتەکانى ئوردونى سەردانى وەزارەتى خوێندنى باڵاو توێژینەوەى زانستییان کردو، لە کۆبونەوەیەکدا جەختیان لەسەر پتەوکردنى پەیوەندییەکانیان لەگەڵ زانکۆکانى هەرێمى کوردستان کردەوە.

لەو کۆبونەوەیەدا، کە ئەمڕۆ یەک شەممە، ڕێکەوتى (٣٠/١٠/٢٠١٦) لە هۆڵى کۆبونەوەکانى ئەنجومەنى وەزارەت بەئامادەبونى د.محمد سابر بەڕێوەبەرى گشتى فەرمانگەى خوێندن و پلاندانان و بەدوادداچون و، د.جوان جلال شەریف بەڕێوەبەرى گشتى فەرمانگەى نێردراوان و پەیوەندییە ڕۆشنبیرییەکان و، د.خەتاب شێخانى بەڕێوەبەرى گشتى فەرمانگەى کارگێڕى و دارایى و، د. هەیسەم ئەبولفول کونسوڵى گشتى شانشینى ئوردونى هاشمى لە هەولێر بەڕێوەچو، لەسەرەتادا د.هەیسەم ئەبولفول خۆشحاڵى بەو میواندارییە دەربڕى، هەروەک بەگرنگیەوە باسى لە سەردانى وەفدى وەزارەتى خوێندنى باڵاو توێژینەوەى زانستى بەسەرۆکایەتى د.یوسف گۆران وەزیرى خوێندنى باڵا بۆ شانشینى ئوردونى کرد و، ڕایگەیاند: ئەو سەردانە دەرگایەکى فراوانى بەڕوى پتەوکردنى پەیوەندییە زانستی و ئەکادیمیەکانى نێوان هەرێمى کوردستان و، وڵاتى ئوردون کردەوە، هەروەک هیواشى خواست کردنەوەى پێشانگەى زانکۆ ئوردونیەکان لە هەرێمى کوردستان و، ئەو سەردانەیان بۆ وەزارەتى خوێندنى باڵا درێژەپێدەرى ئەو پەیوەندییانە بێت لە پێناو خزمەتکردن بەهەردولا.

لە بەشێکى دیکەى کۆبونەوەکەدا، سەرۆک و نوێنەرى زانکۆ حکومى و تایبەتیەکان، کە ژمارەیان (١٥) زانکۆ بو، بەجیا هەر یەکەیان کورتەیەکیان لەسەر زانکۆکانیان پێشکەش کردو، هیواشیان خواست پەیوەندییەکان زیاتر پتەو پێ بدەن.

لەبەرامبەردا بەڕێوەبەرانى گشتى فەرمانگەکانى وەزارەت کە ئامادەى کۆبونەوەکە بون، بەخێرهاتنى وەفدى میوانیان کرد و ڕایانگەیاند: ستراتیژى وەزارەتەکەمان هەوڵدان بۆ فراوانکردنى بازانەى پەیوەندییە ئەکادیمى و زانستیەکان لەگەڵ زانکۆ پێشکەوتوەکانى دنیا.

هەر لەو کۆبونەوەیەدا چەندین پێشنیاز گەڵاڵە کران بۆ چۆنیەتى دانانى میکانزمى گونجاو بۆ دروستکردنى پردى پەیوەندی لە نێوان زانکۆکانى شانشینى ئوردونى و هەرێمى کوردستان.

ą
IMG_0037.JPG
(3031k)
Directorate of Media,
Oct 31, 2016, 4:09 AM
ą
IMG_0045.JPG
(3095k)
Directorate of Media,
Oct 31, 2016, 4:09 AM
ą
IMG_0049.JPG
(3356k)
Directorate of Media,
Oct 31, 2016, 4:09 AM
Comments